Comezamos un novo proxecto!!

 Comezamos un novo curso e, como non podería ser doutro xeito, continuaremos realizando novas actividades relacionadas co estudo e coidado da nosa natureza. 

Para iso este curso intentaremos estudar en profundidade todo aquilo que ten que ver co estudo de diferentes ecosistemas centrándonos especialmente no ecosistema acuático. E para facelo dun xeito o máis próximo posible elaboraremos no noso patio unha charca á que lle daremos vida!! Esperamos poder contar coa colaboración de todos e todas vós!!

Por outra parte non nos esqueceremos de manter activo o noso horto, cultivando nel diferentes tipos de planatas e verduras. De feito, os nenos e nenas de 1º e 2º curso de educación primaria desenvolveran neste curso un taller específico relacionado co horto no que prepararán, plantarán e coidarán diferentes tipos de plantas.

Xa nos puxemos mans á obra e..., mirade mirade que gañas lle puxemos!!

    

Preparamos a terra arrincándolle as malas herbas e as pedras!

Aportamos os nutrientes necesarios para fertilizar a terra!

Plantamos legumes (repolo, brecol e coliflor) e algunha planta máis aromática coma o perexil e o tomiño.

Por último, e xa que a terra estaba algo seca, regamos a plantación!

A parte do horto, este ano decidimos crear unhas macetas algo especiais con material reciclado! Estas teñen unha parte transparente para poder ver diariamente como van medrando as plantas que nela plantamos tanto por arriba como por debaixo da terra!!

Un bo traballo que en vindeiras semanas continuará!!