Voz Natura San Tomé

O curso 2020/21 chegou ó seu fin, e con el rematamos o proxecto de Voz Natura deste curso. Para iso, e co fin de que o traballo realizado neste curso en relación coas diferentes árbores do noso patio se poida ver outros anos, rematamos colocando a cada unha das árbores que habitan no patio un letreiro identificativo no que aparece o nome común da especie, o seu nome científico e un código QR que nos enlaza cos diferentes vídeos que cada grupo elaborou e que explican polo miúdo todo aquilo que debemos saber destas árbores. Mirade que ben quedaron!!! Moitas grazas pola vosa participación (nenos e mestres), foi realmente un pracer investigar sobre algo que temos moi preto de nós e co que convivimos todos os días.  De cara ó vindeiro curso continuaremos participando en Voz Natura. Esta vez o proxecto xirará en torno á creación dunha charca no noso patio que nos servirá para darlle vida e, ó mesmo tempo, estudar en profundidade o ecosistema acuático (auga doce). De seguro lle sacaremos ...

Os nenos e nenas de 5ºB estiveron investigando sobre A Jacaranda e A Hortensia. Toda a información que obtiveron recollérona nas seguintes fichas técnicas. Remataron a actividade elaborando uns estupendos vídeos nos que recollen o máis importante destas especies.   

Os nenos e nenas de 5º A investigaron sobre O Liquidámbar e O Loureiro Real.  Toda a información recollérona nas seguintes fichas técnicas así como nos vídeos explicativos.   Fixádevos que bó traballo.  

 Os nenos e nenas de 6º de educación primaria A investigaron sobre A Catalpa, O Berberis e O Cotonaster. A continuación podedes ver o excelente traballo que fixeron.

Oa alumnos/as de 6º B encargáronse de investigar sobre o O Pradairo, A Vide e A Hedra.  A continuación recóllese este excelente traballo nas diferentes fichas técnicas así como nos vídeos explicativos sobre as características destas tres especies.  

Todos os anos o cinco de xuño celébrase o día mundial do medioambiente.  Posto que esa data cadrou en sábado, no cole decidimos celebralo un día antes (o 4 de xuño). Para dita conmemoración os nenos e nenas de infantil e os de primeiro, segundo, terceiro e cuarto de primaria plantaron unha árbore autóctona por cada aula no parque que está á beira do cole.  Mirade que ben o pasaron ó longo desa mañá!